Pasta 'Xhoana'

• 500g farfalle, penne or fusilli
• 200ml salcë domate
• 80 gram Milano
• 3 tableta kolagjen
• Vaj ulliri
• 2 thelpij hudhra të grira imët
• 5 gjethe borzilok të freskët
• 200ml panna
• 1 gotë të vogël vodka
• 60 gjalp
• 1 lugë të vogël spec djegës
• Kripë
• 3 lugë parmixhan të grirë

Fillimisht përgatisim salcën duke ngrohur vajin në një tigan e duke shtuar ngadalë hudhrën e grirë dhe Milanon. I lëmë derisa të marrin një ngjyrë të artë dhe shtojmë salcën e domates, tabletat kolagjen, panën, kripë e piper.

Më pas hedhim gjethet e borzilokut dhe e lëmë të gatuhet ngadalë për 10 minuta. Ndërkohë, vendosim një tenxhere me ujë dhe pak kripë për të valuar e për të gatuar pastat Al Dente. Një këshillë: pak lugë nga uji me të cilën ziejnë pastat, mund t’i shtojmë tek salca e domates.

Për hapin e rradhës, në një tigan të madh hedhim gjalpin, shtojmë specin djegës mbi pastat e kulluara dhe shtojmë salcën e domates duke e përzierë fort me spatul në mënyrë që të gjithë makaronat të marrin salcë.

Tanimë hapi dehës : largojmë pastat nga zjarri dhe hedhim gotën e vodkës duke i përzierë mirë. Mos harroni që të mos e lini vodkën të avullojë totalisht pasi kështu i largohet edhe aroma, për këtë arsye i heqim nga zjarri.

E servirim të ngrohtë me djath parmexhan të grirë!

Ju bëftë mirë!