Pene me Kërpudha dhe Pançetë

• 120 g Pançetë
• 300 g pene
• 1 kërpudhë të madhe
• kripë dhe piper
• 300 g salcë domateje
• borzilok
• gorgonzola për garniturë
• vaj ulliri
• disa thelpinj hudhër

Filloni duke vendosur një tenxhere me ujë në zjarr. Hidhini ujit një lugë kripë dhe lëreni të marrë valë. Pasi të ketë marrë valë, zieni penet sipas udhëzimeve të shkruara në paketimin e tyre. Ndërkohë, në një tigan shtoni vajin dhe skuqni hudhrat. Më pas shtoni pançetën dhe kërpudhat me kripë dhe piper sipas dëshirës. Shtoni salcën e domates dhe gjethet e borzilokut, përziejini mirë dhe lëreni në zjarr të ngadaltë për 10 minuta. Kulloni pastat dhe përziejini me salcën në tigan. Mund ti shtoni djath gorgonzola për një shije më të veçantë.