Tavë me Pure Patatesh dhe Mortadella

• 800 g patate
• 2 vezë
• 150-180 g Mortadella
• 100 g mozzarella
• 100 g djath i tymosur
• 80 g djath Parmigiano
• 150 g niseshte patatesh
• vaj ulliri
• gjalp
• kripë dhe piper

Patatet i ziejmë me pak kripë për 30-40 minuta dhe i kontrollojmë herë pas herë me pirun nëse janë zbutur. I lëmë të ftohen, i qërojmë dhe i shtypim si pure. Kujdes! Mos përdorni mikser pasi patatet humbasin fibrat dhe bëhen të ngjitshme.

Pasi ti kemi shtypur si pure, i shtojmë vezët, kripë, piper, niseshten, pak vaj ulliri dhe gjysmën e djathit të grirë. I përziejmë deri sa të arrimë një masë të njëtrajtëshme. Ndërkohë, ndezim furrën në 180oC. Lyejmë tavën me gjalp dhe shtrojmë gjysmën e masës së përgatitur të patateve. Vendosim një shtresë Mortadella, mozzarella dhe djath të tymosur. Shtojmë pjesën e mbetur të masës dhe e spërkasim me pak djath Parmigiano. E pjekim në furrë për 25-30 minuta deri sa të marrë ngjyrë të artë!